ދިރާގުން 3ޖީ ޕްލަސް ނެޓްވަރކެއް ގާއިމްކޮށް، މޯބައިލް އިންޓަރނެޓް ޕެކެޖްތަކެއް ތަޢާރަފްކޮފި.

ދިވެހި ރާއްޖޭގައި މޯބައިލް ޙިދުމަތްދިނުމުގައި އެންމެ މަގުބޫލު އަދި އެންމެ ކުރީގައިއުޅޭ ދިރާގުން 3ޖީ ޕްލަސް ނެޓްވަރކެއް ގާއިމްކޮށް ޙިދުމަތް ދިނުމަށް ތައްޔާރުވެފައި ވާކަމަށް އިއްޔެ ދިރާގުން ހާމަކޮއްފިއެވެ.

މި ނެޓްވަރކް ވެގެންދާނީ ރާއްޖޭގައި މީހުން ދިރިއުޅޭ އެންމެ ބޮޑުސަރަހައްދަށް 3ޖީ ޙިދުމަތް ފޯރުކޮށްދޭ ނެޓްވަރކެއް ކަމަށާއި މި ނެޓްވަރކް ޙިދުމަތް ފޯރުކޮށްދެނީ މާލެ، ހުޅުމާލެ، ވިލިގިލި، މާލެ އިންޓަރނޭޝަނަލް އެއަރޕޯޓް، ކުރުނބާ މޯލްޑިވްސް، ބަނޑޮސް އައިލެންޑް ރިޒޯޓް، ޕެރެޑައިސް އައިލެންޑް، އަދި އައްޑޫ އަތޮޅު ހިތަދޫ އަށް ކަމަށާއި ދިރާގަކީ އައްޑޫ އަތޮޅުގައި 3ޖީ ޕްލަސް ޙިދުމަތް ތަޢާރަފްކުރި އެންމެ ފުރަތަމަ ފަރާތް ކަމަށް ވެސް ދިރާގުން އިއްޔެ ބޭއްވި ނޫސްވެރިންގެ ބައްދަލުވުމުގައި ވިދާޅުވިއެވެ.

މީގެ އިތުރުން، ދިރާގު 3ޖީ ޕްލަސް ނެޓްވަރކްގެ ޑައުންލޯޑް ސްޕީޑްއަކީ 2.6އެމްބީޕީއެސް ކަމަށްވީއިރު، މިއީ މިވަގުތު ރާއްޖޭގައި އެންމެ އަވަސް ސްޕީޑެއްގައި 3ޖީ ޙިދުމަތް ފޯރުކޮށްދޭ ނެޓްވަރކްވެސްމެއެވެ.

މޯބައިލް ފޯނު މެދުވެރިކޮށް އިންޓަރނެޓް ޙިދުމަތް ބޭނުންފުޅުކުރައްވާ ދިރާގު މޯބައިލް ކަސްޓަމަރުންނަށް އެޙިދުމަތް ބޭނުންފުޅުކުރެއްވުމުގެ ޙަރަދު %35 އާއި ހަމައަށް ކުޑަކުރެއްވުމަށް އެހީވެދޭނެ ދީރާގު މޯބައިލް އިންޓަރނެޓް ޕެކެޖްތަކެއް ދިރާގުން އިއްޔެ މިވަނީ ތަޢާރަފްކޮށްފައެވެ.

ދިރާގު މޯބައިލް މެދުވެރިކޮށް އިންޓަރނެޓް ޙިދުމަތް ބޭނުންފުޅުކުރައްވަނީ ކަސްޓަމަރުން ފޮނުއްވާ އީމެއިލް ވިދާޅުވުމަށް ކަމުގައިވިއަސް، ނޫނީ އިންޓަރނެޓް ބްރައުޒްކުރުމާއި ޗެޓްކުރުމަށް ކަމުގައިވިއަސް، ނޫނީ އާއިލާގެ ބޭފުޅުންނާއި އަދި އެކުވެރިންނާއި ފޭސްބުކް މެދުވެރިކޮށް ގުޅުން ބަދަހިކުރެއްވުމަށް ވީނަމަވެސް، ދިރާގުން ފޯރުކޮއްދޭ 3 ޕެކެޖްގެތެރެއިން ޕެކެޖް އެށް ޙިޔާރު ކުރެއްވޭނެ ކަމަށް ދިރާގުން މައުލޫމާތު ދިނެވެ.

ތަފާތު އެކި ބޭފުޅުންތަކަށް، އަދި އެކިވަރުގެ ބަޖެޓްތަކަށް އެކަށޭނެގޮތަށް އެކުލަވާލެވިފައިވާ މި ޕެކެޖްތަށް، ދިރާގު ޕޯސްޓްޕެއިޑް އަދި ޕްރިޕެއިޑް ކަސްޓަމަރުންނަށް ވަނީ ހުޅުވާލެވިފައި ކަމަށް ވެސް ވިދާޅުވަމުން ޕެކެޖް ހޯއްދަވަން ބޭނުންފުޅުވާނަމަ 445ށް އެސްއެމްއެސް އެއް ފޮނުއްވުމުން ލިބިވަޑައިގަންނަވާނެ ކަމަށް ރިއްފަތު މުޙައްމަދު ދިރާގް ގެ މޯބައިލް މާކެޓިން މެނޭޖަރ ވިދާޅުވިއެވެ.

އެސްއެމްއެސް ފޮނުއްވާނީ އޭޑީޑީ ޖެއްސެވުމަށް ފަހު ބޭނުންފުޅުވާ ޕެކެޖްގެ ނަން ޖައްސަވާ މިސާލަކަށް ޑޭޓާ 2 ޕެކެޖް ނެންގެވުމަށް އޭޑީޑީ ޖައްސަވާ ހުސްތަންކޮޅެށް ދޫކުރެއްވުމަށް ފަހު ޑާޓާ2 ޖައްސަވާ 445 އެސްއެމްއެސް ފޮނުއްވީމަ ޙިދުމަތް ލިބިގެންދާނެ ކަމަށް ރިއްފަތު ވިދާޅުވިއެވެ.

އިއްޔެ މި ތަޢާރަފްކުރި ދިރާގު މޯބައިލް އިންޓަރނެޓް ޕެކެޖްތަކަކީ ދިރާގުގެ ހުރިހާ މޯބައިލް ކަސްޓަމަރުންނަށްވެސް ބޭނުންފުޅުކުރެއްވޭނެ އަދި ރާއްޖޭގެ ކޮންމެ ހީސާބެއްގައި ހުންނެވި ނަމަވެސް އެސްއެމްއެސް މެދުވެރިކޮށް ވަރަފަސޭހަ ކަމާއިއެކު ހޯދެވޭނެ މޯބައިލް އިންޓަރނެޓް ޕެކެޖްތަކެއް ކަމަށާއި މި ގޮތުން މޮބައިލް މެދުވެރިކޮށް އިންޓަރނެޓް ބޭނުންފުޅު ކުރެއްވުމުގެ ޙަރަދު %35 އާ ހަމައަށް ކުޑަކުރެއްވުމުގެ ފުރުސަތު މީގެން ޕެކެޖް އެށް ނެންގެވުމުން ލިބިވަޑައިގަންނަވާނެ ކަމަށާއި ދިރާގުން މަސައްކަތްކުރަމުންގެންދަނީ ރާއްޖޭގައި މީހުން ދިރިއުޅޭ ހިސާބުތަކަށް 3ޖީ ޕްލަސް ޙިދުމަތްތަށް ފޯރުކޮއްދިނުމަށްޓަކައި 3ޖީ ޕްލަސް ނެޓްވަރކް އިތުރަށް ފުޅާކުރުމަށް ކަމަށް އަޙުމަދު މައުމޫން (ހެޑް އޮފް މާކެޓިން) ވިދާޅުވިއެވެ. އަދި މިނެޓްވަރކް މެދުވެރިކޮށް ލޯކަލް ކޯލްގެ ރޭޓްގައި ލޯކަލް ވީޑިއޯ ކޯލްކުރެއްވޭނެކަމަށާއި މީ ރާއްޖޭގައި ލޯކަލް ވީޑިއޯ ކޯލްކުރެއްވޭ އެންމެ ހެޔޮ އަގުކަން އުފަލާއިއެކު ފާހަގަކުރައްވަމުން ކުރިއަށް އޮތްތާގައިވެސް ދިރާގު މަސައްކަތް ކުރަމުންގެންދާނީ 3ޖީ ގެ ތަފާތު ޙިދުމަތްތައް ކަސްޓަމަރުންނަށް ތަޢާރަފްކޮށްދިނުމަށް ކަމަށް ހާމަކުރެއްވިއެވެ.

އާކައިވް ކުރެވިފައިވާ ނުސްޚާ