މޮހޮރުބޮން ގޮއވިކަމުގެ ކުށުގައި 9 ދިވެހިންނާއި 2 ބަންގާޅީން
ފުލުހުންގެ ބެލުމުގެ ދަށަށް ގެންދަވައިފި. ދިވެހި ފުލުހުންނާއި އެހީތެރިވުމަށް އެމެރިކާގެ ސިއްރުފުލުހުން ރާއްްޖެއަތުވެއްޖެ.
މިދިއަ ހޮނިހިރު ދުވަހު ސަލްޓަން ޕާރކްގައި މޮހޮރުބޮން ގޮއްވި މައްސަލައިގެ ތަހުގީގުގައި މިހާރުވަނީ 9 ދިވެހިންނާއި 2 ބަންގާޅިން ހައްޔަރު ކުރައްވަވާފައެވެ، 3 މީހަކު ދަމައި ގެނައީ ފިލަން ލަންކާއަށް ގޮސްތިއްބައެވެ. އިތުރު މީހަކު ފިލަން ފުރަން އުޅެނިކޮށްވަނީ އަތުލައިގަނެވިފައެވެ.
މިމައްސަލައިގެ ހުރިހައި ތަފްސީލެއް ތަހުގީގުޓީމަށް މިހާރެު ރަނގަޅަށް އެނގިވަޑައިގަންނަވައެވެ. ނަމަވެސް އިތުރު ތަފްސީލުތައް ހާމަކުރެއްވެވެން އަދިނެތީއެވެ. ތަހުގީގު އަދި ނުނިމޭތީއާއި ހޯޑަންޖެހޭ ބައެއް މީހުން އަދިވެސް ތިބުމާއެކުގައެވެ.
އިތުރު ހަމަލާތަކެއް ރާވާފައިވާކަން އަދި އެނގެން ނެތްނަމަވެސް އެއީ އެންމެ ފުރިހަމަ ނިންމުންކަމަސް ބަލައި އިހުމާލުވެއްޖެނަމަ އެކަމުގެ ހިތިކަން ފެނިގެންދިއުމަކީ އެކަށީގެންވާކަމެކެވެ. މިކަމުގެ ތަހުގީގުގައި ދިވެހި ފުލުހުންނާއި އެހީތެރިވުމަށް އެމެރިކާގެ އެފްބީއައިގެ ހުޝިޔާރު ޓީމެއް މިއަދުވަނީ ރާއްޖެއައިސްފައެވެ. ވީމާ މިކަމުގެ ހުރިހައި ހަގީގަތެއް އެނގުމަކީ ވަރަށް އުއްމީދުކުރެވޭކަމެކެވެ. މިޓީމު އައިއިރުވެސް ދިވެހި ފުލުހުންވަނީ މައްސަލައިގައި ވަރަށްބޮޑެތި ކުރިއެރުންތައް ހާސިލުކޮށްފައެވެ.
މިމައްސަލައާއި ގުޅިގެން ރައްޔިތުންގެ މަޖިލީހުގައި މިކަންވަނީ ވަރަށް ބޮދަށް ކުށްވެރިކުރައްވާފައެވެ. މަޖިލީހުން ކުރެއްވެވި ސުވާލުތަކަށް ހޯމް މިނިސްޓަަރ އަބްދުﷲ ކަމާލުއްދީނުވަނީ ޖަވާބު ދެއްވާފައެވެ.
މެންބަރުން މިއަދު ވިދާޅުވިގޮތުގައި މިކަމަކީ ރާއްޖޭގެ އިގްތިސާދަށް ސީދާ އަމާޒުކށްގެން ދީފައިވާ ހުރިހައިގޮތަކުންވެސް ވަރަށް ނުރައްކާތެރި އަދި ގެއްލުންދެނިވި ހަމަލާއެކެވެ.
މެންބަރުން މިއަދު އެންމެ ގަދައަށް ބާރުއެޅުއްވެވީ މިކަނުގައި ބައިވެރިވާ ފަރާތްތަކަށް އެންމެ ހަރުކަށި އަދަބު ދެއްވުމަށެވެ. އެއްދޮރުންވައްދައި އަނެއްދޮރުންނެރޭ ބައަކަށް ހައްޔަރުކުރެވުނު ޓެރަރިސްޓުން ނުހެއްދެވުމަށެވެ.
މިކަންކަމަކީ ހަމައެކަނި މެންބަރުންގެ އިލްތިމާސެއްނޫނެވެ މުޅިގައުމުގެވެސް އިލްތިމާސްއެވެ. މިއަނިޔާވެރި ހަމަލާ ދިންމީހުންނަށް ދެއްވެވެންއޮތް އެންމެ ހަރުކަށި އަދަބު ދެއްވާނެކަމުގެ ޔަގީންކަންވަނީ ސަރުކާރުންވެސް ދެއްވާފައެވެ.
މިކަމުގައި އެންމެ ބޮޑުސަމާލުކަމެއްދޭންޖެހޭެއްކަމަކީ މިކަމުގެ ފަހަތުގައި ފިލައިތިބި ގައުމުގެ ދުޝްމަނުން އަތުލައިގަތުމެވެ. މިއަނިޔާވެރި އަމަލު ހިންގައިފައިމިވަނީ ސީދާ ގައުމުގެ އިގްތިސާދަށް އަމާޒުކޮށްގެންކަން އެއީ އެންމެންވެސް ގަބޫލުކުރާ ހަގީގަތެކެވެ.
އމ/ ހަވިރުނޫސް
މަޖލީހުގައިި މިއަދު ދެކެވުނު ވާހަކަތައް
ކޮމެންޓްތައް
މިހާތަނަށް އެއްވެސް ކޮމެންޓެއް ނެތް.
ކޮމެންޓް ކުރެއްވުމަށް ގޫގުލް އެކައުންޓުން ވަދެވަޑައިގަންނަވާ