ރެޑްވޭވް ސަލީމާއި އުމަރު ނަޞީރު ބުނެގެން މާލެ އައި މީހުން ބިކަހާލުގައި ޖެހިއްޖެ!
ޢުމަރު ނަޞީރާއި ރެޑްވޭވް ސަލީމް ބުނެގެން ނަޞްރުގެ ދުވަހު ޑީއާރުޕީ އިން ހިންގާ ކަމުގައި ބައވެރިވުމަށް މާލެއައި ބައެއް މީހުންނަށް އެމީހުންނާއި ބައްދަލު ނުކުރެވިގެން ނިދާނެތަނާއި ކޮއްތު އަދި ދޭންބުނި ފައިސާ ނުލިބި ބިކަ ހާލުގައި ޖެހިއްޖެ ކަމަށް މައުލޫމާތު ލިބިއްޖެއެވެ.
" އަޅުގަނޑުމެން ރަށުގައި ތިއްބާ އެމީހުން ގޮސް ދެއްކި ވާހަކަތައް އަޑު އަހާފައި އަޅުގަނޑުމެން މިއައީ. އާމްދަނީގެގޮތުން ވަރަށް ދަތި. އެހެންވެ 5،000 ރުފިޔާ ދޭނަމޭ ބުނީމާ އެކަން ޤަބޫލުކުރެވުނީ. މާލޭގައި ތިބުމުގެ ޚަރަދާއި ކެއިން ބުއިމުގެ ކަަރދު ދީފައި 5،000 ރުފިޔާ ލިބޭނަމަ އެއީ ވަރަށް ބޮޑު އެއްޗެއް ނޫންތޯ؟ " ދިވެހިވިންދަށް މައުލޫމާތު ދިން ބަޔަކު ބުނެފައިވެއެވެ.
އެމީހުން ބުނިގޮތުގައި އެދެމީހުންގެ ބަސް ޤަބޫލުކޮށް މާލެ އާދެވުނުކަމުން އެމީހުންނަށް ލިބުނީ އިތުރު ނިކަމެތި ކަމެކެވެ. ކެއިން ބުއިމާއި ނިދުމުގެ ކަންތައްތައް އަމިއްލައަށް ހަމަޖައްސަން ޖެހުމުން އެމީހުންނަށް ކުރިމަތިވެފައިވަނީ ވަރަށް ނިކަމެތި ހާލަތެކެވެ.
ކޮމެންޓްތައް
މިހާތަނަށް އެއްވެސް ކޮމެންޓެއް ނެތް.
ކޮމެންޓް ކުރެއްވުމަށް ގޫގުލް އެކައުންޓުން ވަދެވަޑައިގަންނަވާ