" މިލިއަންތަކުގެ އަގުހުރި މަސްތުވާތަކެތި އެތެރެކުރުމުގެ އަޑީގައި ވަރުގަދަ ބައަކު ތިބޭނެ. "

ދާދިފަހުން ފުލުހުންގެ ވަރަށް ބުރަމަސައްކަތުން އަތުލައިގަތް ގިނައަދަދެއްގެ މަސްތުވާތަކެތީގެ މައްސަލައިގައި ބަންދުކުރެވިފައިވަނީ ދިވެއްސަކާ ޕާކިސްތާނު މީހެއްނަމަވެސް ބައިވެރިވާ ބޮޑެތިބައަކު ތިބޭނެކަމަށް ފުލުހުން ވަރަށް ބޮޑަށް ޔަގީން ކުރައްވައެވެ.

މިފަދަ ގިނައަދަދެއްގެ މަސްތުވާތަކެތި އެތެރެކުރެވޭނީ އެކަން ކުރެވޭވަރަށް ފައިސާހުރި އަދި ވަސީލަތްތައްހުރި ބައަކަށް ކަމަށްވެސް ގަބޫލުކުރަންޖެހެއެވެ.

މިދިއަ ޖޫންމަހު 27 ވަނަދުވަހު އަންހެންކުއްޖެއްގެ މަރުގެ މައްސަލައަކާގުޅިގެން މަސްތުވެފައިތިބި ބައަކާ ވަރަށް ގިނަ އަދަދެއްގެ ފޮށިގަނޑުތަކެއް ފުލުހުންވަނީ ގެންދަވާފައެވެ. މިކަމުގެ ރަސްމީ ތަފްސީލެއް އަދި ނުލިބުނުނަމަވެސް މީގެތެރޭގައި ގިނައިން ގެންދެވުނީ ހޯލްސްޓަން ހުސްފުޅިކަމަށް ވަނީ މައުލޫމާތުލިބިފައެވެ. މިފުޅިތައް ގެންދެވުމުގެ ބޭނުންފުޅަކީ ތަހުގީގަށް ބޭނުންފުޅުވާ ފިންގަރ ޕްރިންޓް ނެންގެވުންކަމަށްވެސް ވަނީ މައުލުމާތު ލިބިފައެވެ.

މިތަކެތި ގެންދެވުނުގެއަކީ ހުރިހާވައްތަރެއްގެ ކަޅުއަމަލާ ގުޅުންހުރި މަސްތުވާ ތަކެއްޗާ ވަގުނޫޓުގެ ހާއްޔެއްކަމަށް ގިނަބައަކު ގަބޫލުކުރެއެވެ.

އަޅުގަނޑުމެން އެންމެންގެވެސް އުއްމީދަކީ މަސްތުވާތަކެއްޗާ ވަގުނޫޓުގެ ވަބާއިން އަޅުގަނޑުމެންގެ މުޖުތަމައު ސަލާމަތްވެ މަގުތަކުގައި މިނިވަންކަމާއެކު ހިނގައިއުޅުމަށް ފުރުސަތު ލިބުމެވެ. އަމިއްލަ ގެދޮރުގައި ރައްކައުތެރިކަމާއެކު ދިރިއުޅުމުގެ ފުރުސަތު ލިބުމެވެ. ލިބޭ މުސާރަކޮޅު ހިފައިގެން ގެއަށް ދިއުމުގެހައްގު ލިބުމެވެ.

އާކައިވް ކުރެވިފައިވާ ނުސްޚާ