ޔާމީނު އަތުން ކޯޓާ ގަންނަން އުފެއްދި ކުންފުނިތައް އުވާލެވެނީ.

ރާއްޖެއަށް ބިދޭސީން ގެނައުމަކީ އެންމެ ފަސޭހަކަމާއިއެކު އާމްދަނީ ލިބޭ އެއް ވިޔަފާރި އެވެ. ހަކުރާއި މަސްތުވާތަކެތީގެ ވިޔަފާރި އާއި ޖެހިގެން އެންމެ ބޮޑު އާމްދަނީއެއް ލިބޭ އެއް ވިޔަފާރިއަކީ ރާއްޖެއަށް ބިދޭސީން ގެނައުމެވެ.

ކޮންމެވެސް ނަމެއްގައި ކުންފުންނެއް ހަދައިލުމުން ޔާމީނު މިނިސްޓްރީީން ހާހުން ކޯޓާ ލިބެއެވެ. އެއިން ކޮންމެ ކޯޓާއަކަށް ބޭރުން މީހަކު ގެނައުމުން ކުންފުންޏަށް 1000 ޑޮލަރަށް ވުރެ ގިނައިން ޑޮލަރު ލިބެއެވެ. އެއިގެެ ތެރެއިން 300 އާއި 500 ދެމެދުގެ އަދަކަށް ޔާމީނުގެ އެޖެންޓު މައުރޫފް އަހްމަދު ( މާއްޓޭ ) އާއި ފައިސާ ހަވާލުކުރުމުން ނިމުނީއެވެ.

ނަތީޖާ މިއޮތީ ފެންނާށެވެ. މުޅި ޤައުމުގެ އާބާދީގެ ތިންބައި ކުލަ އެއްބައަކީ ބަންގާޅީންނެވެ. އެއިގެ ތެރެއިން ދެބައިކުޅަ އެއްބައި މީހުންނަކީ މުޅިން ވަގަށް އުޅޭ މީހުންނެވެ. މިހާރުގެ ސަރުކާރުން ކުރި މަސައްކަތްތަކުން އެއިގެ ތެރެއިން 20،000 އަށްވުރެ ގިނަމީހުން ވަނީ އަމިއްލައަށް އައިސް އެމީހުންނަކީ ޤަވާއިދާއިޚިލާފަށް އުޅޭ މީހުން ކަމުގައި ބުނެ ރަޖިސްޓްރީ ވެފައެވެ.

އިކޮނޮމިކް ޑިވޮލޮޕްމަންޓް މިނިސްޓަރ މުޙައްމަދު ރަޝީދު ވިދާޅުވީ ރާއްޖޭގައި އެކިއެކި މަސައްކަތްކުރުމަށާއި ވިޔަފާރި ކުރުމަށް ރަޖިސްޓްރީ ކުރެވިފައިވާ 5712 ކުންފުނީގެ ތެރެއިން 2644 ކުންފުނިން އަހަރީ ފީ ނުދައްކާކަމަށެެވެ. އަހަރީ ފީ ނުދައްކާ ކުންފުނިތަކުގެ ތެރެއިން 98 ކުންފުނީގެ ވެރިން އެ މީހުންގެ ކުންފުނިތަކަކީ ހިންގަމުންގެންދާ ކުންފުނިތައް ކަމަށާއި ޤާނޫނުގައިވާގޮތުގެ މަތިން ކުންފުނިތައް އުވާނުލުމަށް އެދި ފައިވާކަމަށެވެ. ނަމަވެސް މިކަމަކީ ޤާނޫނުގައި ވަކިގޮތަކަށް ކުރަން ހަމަޖެހިފައި އޮންނަކަމެއް ކަމަށްވާތީ އެކަމުގައި ޤާނޫނީ ލަފަޔަކަށް އެދި ދައުލަތުގެ ބަންޑާރަ ނާއިބަށް ހުށަހަޅުއްވާފައިވާނެ ކަމަށް ވެސް ވިދާޅުވިއެވެ.

ކުންފުނިތަކަކީ ޤައުމުގެ އިޤްތިޞާދަށް އެންމެ މުހިއްމު އެއް ބާރު ކަމަށްވާއިރު ކުންފުނިތައް ޤާނޫނާއި އެއްގޮތަށް ހިންގަމުންގެންދިއުމުގެ މުހިއްމުކަން ފާހަގަކުރެއްވެވިއެވެ. އަދި ކޮންމެ ކުންފުންޏަކީވެސް ގިނަ އަދަދެއްގެ މުވައްޒިފުން މަސައްކަތްކުރާނެ ތަންތަން ކަމަށްވާއިރު ކުންފުނިތަކަށް ލިބޭ ގެއްލުމަކީ މުޅި ޤައުމުގެ އިޤްތިޞާދަށް އެކަމުގެ އަސަރު ކުރާނެ ކަމެއްކަމަށްވާތީ ކުނފުނިތައް ޤަވާއިދުން ހިންގުމަށް މަގުފަހިކޮށްދެއްވުމަކީ މިނިސްޓްރީން ވަރަށް ބޮޑަށް ސަމާލުކަންދެއްވާ ކަމެއް ކަމުގައިވެސް ވިދާޅުވިއެވެ.

އާކައިވް ކުރެވިފައިވާ ނުސްޚާ