070707

މިއަދުގެ ތާރީޚަކީ ވަރަށް ރީތި އަދަދެކެވެ. ނަމަވެސް އެއީ 777 ގެ ގޮތުގައި ލިޔެފިނަމައެވެ. 7 7 2007 ގެގޮތުގައިލިޔެ ޖުމުލަކޮށްފިނަމަ ނުކުންނާނީ 5 އެވެ . މާތްﷲ ފަރުޟު ކުރެއްވެވި ނަމާދުގެ އަދަދުން ޖުމްލަ ކުރެވޭ މިއަދު ތާރީޚު މުޅި ދުނިޔޭގައިވެސްދަނީ ވަރަށް ޚާއްސަ ގޮތެއްގައި ފާހަގަކުރެވެމުންނެވެ.

އެންމެ ނަސީބުގަދަ ނަމްބަރުކަމަށް ގިނަބައަކު ގަބޫލުކުރާ 7 ގެ ތިންއަކުރުން މިއަދުގެ ތާރީޚު ލޔެވޭތީ ގިނަބައަކު ދަނީ މިދުވަސް ފާހަގަ ކުރަމުންނެވެ. ހަތެއްދަށުގައި ރަހައެއް ލާނެކަމަށް ޒަމާނުންސުރެ ބުނެއުޅޭތީ ކަމަށްވެދާނެއެވެ.

ވީމާ މި 3 ހަތެއްގެ ދަށެގައި ލާރަހައެއްގެ އިންތިޒާރުގައި ގިނަބައަކު އެބަތިއްބެވެ.

މޫސަބެ:

މޫސަބެއަށް ހީވަނީ މިއައި 3 ހަތެއްގެ ދަށުގައި ދިވެހި ރައްޔިތުންނަށް ލާނެރަހައަކީ ދިވެހި ރައްޔިތުން އެންމެ ބޭނުންވެގެން މިއުޅޭ ގާނޫނުއަސާސީ އިސްލާހުކުރުމުގެ މަސައްކަތް މުއްދަތައްނިމި އެކަމުގެ ފައިދާ ދިވެހިންނަށް ކުރުން ކަމަށް.

އައިންތު:

މީގެ 4 އަހަރު ކުރީންސުރެ ގަސްދުކޮށްގެން މިހުންނަނީ މިއަދު ކައިވެނި ކުރަން . އެއީ އަލުގަނޑު އެންމެ ކުރިން ރައްޓެހިވި މީހާގެ ހަނދާނުގައި. ވަރަށް ކުއްލިގޮޮތަކަށް އެކަމަކު ވަރަށް ރަނގަޅަށް އެކަން ކުރެވޭނެމަގު ފަހިވީމާ މިރޭ މިިއުޅެނީ ކައިވެނިކުރަން.. ވާގޮތެއް އެނގޭނީ ވާގޮތް ބެލީމައެއްނު ؟ ހަމަގައިމުވެސް ކައިވެނިކުރުމަކީީ ކޮންމެވެސް ގޮތަކުން ކޮންމެވެސް ކުރަންޖެހޭނެ ކަމެއް.

އަލި ތައްޚާން :

އަހަރެން ގަބޫލުކުރާނީ މރީތިި ތާރީޚު މިއައީ ރަނގަލު ދުވަސްވަރެއގައިކަމަށް. ދިވެހިންގެތެރެއަށް ރަނގަޅުުބަދަލުތަކެއް އަންނަމުންދާ ދުވަސްވަރެއްގައިކަމަށް. ދިވެހިރައްޔިތުން ދެކެމުުންއައި ހުވަފެންތކެއްގައި ހަގީގީ ކުލަޖެހުމުގެ ވަގުތުގައި. ވީމާ އަލިބެ ބުނާނީ ފުރުސަތުގެ ބޭނުން ހެޔޮގޮތުގައި ހިފަމާ ހިނގާށޭ.

ނަޖުމާ :

7 ޖުލައިއަކީ އަހަރެންގެ ފިރިމީހާ އަހަރެން ދޫކޮށްދިއަދުވަސް 7 ކުދިން ދީފައި ފިލައިގެންގޮސް އެހެން އަންހެނަކާ ގުޅުނު ދުވަސް. އެކަމަކު އެއީ ދުވަހުގެ މައްސަލައެއް ނޫން ފިރިމީހާގެ މައްސަލައެއް. އެހެން އެކަންއޮތް ނަމަވެސް އެތާރީޚު ގުޅިފައިވަނީ އަހަރެންގެ ހިތިމާޒީއާއި.

އީސާފުޅު :

އީސާފުޅުބެ ތިއަކަމާެ މިހުންނަނީ ވަރަށްދެރަވެފައި. ފުރަތަމަކަމަކީ ދިވެހިރައްޔިތުން މިތިބީ އަބްދުﷲ ހަމީދުގެ ކިބައިން ދިވެހިރައްޔިތުން ސަލާމަތްކުރައްވަވާތޯ ދުއާކޮށްކޮށް. އެކަމަކު އެކަން އަދިވެސް ނުވާކަން މީގެ ދެތިންދުވަސްކުރިންވެސް ޔަގީންވެއްޖެ. ސަލާމަތް ކަމެއް އަދިނެތް. ކޮންމެ ނަމެއްކިޔާ މަގާމެއްގައި ހުރިނަމަވެސް އަތޮޅުތައް ބަަނޑުއަޅަނީ އަދިވެސް އަބްދުﷲ ހަމީދު. ށ. އަތޮޅު މީހަކަށް އެންމެ ދެކުނުން އަތޮޅުވެރިކަން ދެއްވިއިރު ޅ އަތޮޅު އަތޮޅުވެރިކަން މިލިބުނީ އަބްދުﷲ ހަމީދުގެ ޅިޔަނަށް. އަނބިގޮއްޔެ އެއްބަނޑުއެއްބަފާ ކޮއްކޮއަށް.

ކިހިނެއްތޯ ރައްޔިތުން މިކަން ގަބޫލުކުރާނީ. މިއަތޮޅުގައި ޚާއްސަކޮށް ނައިފަރުގައި އަބްދުﷲ ހަމީދުގެ ނުފޫޒުން އަނިޔާވެރިކަމެއް ނޫނީ ކޮށްފައެއް ނޯންނާނެ. ގއްޗެއްގ ެއިިންވަކިކުރާނީވެސް އެއްވެސް ޗާޓެއްގައި އޮންނަގޮތަކަށްނޫން. އަނބިގޮއްޔެއާއި އޭނާގެ އާއިލާއަށް ބޮޑުވާގޮތަށް . މިރަށަށް އައިސް މިކަން ކަންބެލީމާ ފެންނާނީ. މިއަތޮޅަކު ނެތް އަބްދުﷲ ހަމީދާއި އޭނާގެ އަނބިގޮއްޔެގެ އާއިލާއާއި ރުުހޭ މީހަކު. ރިޝްވަތާ އެނޫންވެސް ރައްޔިތުން ނުރުހޭހައިކަމެއް ކުރުމުގެ އެދުރެއްނޫނީ. 7 ޖުލައި އަންނަން ކައިރިވެގެން އައިއިރު މިފެނުނުކަމަކުން އީސާފުޅުބެމެން މިތިބީ ވަރަށް މާޔޫސްވެފައި.

ޚިޔާލާއި ޝުއޫރަކީ ތަފާތުއެއްޗެއްކަމުން މިއަދާމެދު އަޑުހުރިގޮތް ހުށަހަޅައިލީއެވެ.

އާކައިވް ކުރެވިފައިވާ ނުސްޚާ