ޑީއާރުޕީއަށް ގާސިމުގެ ފައިސާ ކިތަންމެ ބޭނުން ނަމަވެސް ގާސިމް ހުންނެވީ ފައިސާ ދެއްވާކަށް ނޫން...
" ދެންއޮތްގޮތަކީ ކޮންމެ ގޮތަކުންނަމަވެސް ޤާސިމު އަލުން ގެނައުން. އަަހރެމެންނަށް އޭނާ ހެއްދޭނެ. ތިއައީ އަހަރެމެންގެ ބޯދުމީހާއޭ ދެންނެވީމާ ގަބޫލުކުރާނެ. ޖެހޭނީ ހައްދަން. " މިހިރީ ޑީއާރުޕީ ތެރޭގައި ކުރެވިފައިވާ މަޝްވަރާތަކެވެ. ޑީއާރުޕީއަށް އޮނަރަބަލް ޤާސިމް އިބްރާހީމް ބޭނުމެއް ނޫނެވެ. ނަަމވެސް އެމަނިކުފާނުގެ ފައިސާ ބޭނުންވެއެވެ.
އޮނަރަބަލް ޤާސިމް އިބްރާހީމްއެވެ. މަނިކުފާނު ތިއަދެއްވި ހިތްވަރުން އަޅުގަނޑުމެން ކަމަރު ބަނދެފީމެވެ ކުރިން ބަނދެގެންތިބި ކަމަރު އިތުރަށް ވާންކޮށް މަޅިއަޅުވައިފީމެވެ. އޮނަރަބަލް ޤާސިމް އިބްރާހީމްއެވެ. ޑީއާރުޕީއަކީ ޑީއާރުޕީއެވެ. އެބަދަލެއް ނުވާނެއެވެ. މައުމޫނާއި ޔާމީނާއި ކާމިނީންގެ ކުޅިސަމާގެ ތެރެއަށް ދެން އިތުރަށް ވަޑައިނުގަންނަވަން ނިންމެވި ނިންމެވުމަށް އަޅުގަނޑުމެން ވަރަށް ބޮޑަށް މަރުހަބާ ދަންނަވަމެވެ.
އެބައިގަނޑު ބޭނުންވަނީ މަނިކުފާނުގެ ފައިސާއެވެ. ނަމަވެސް ޒަހަރުިކާންދީ އަވަހާރަކޮށްލަން މަސައްކަތްކުރީ ހަމައެބައިގަނޑު ނޫންތޯއެވެ؟ އެކަން ހަނދުމަފުޅުބަހައްޓަވާށެވެ. މުއުމިނެއްގެގައަށް އެއް ހޮރަކުން ދެވަނަ ފަހަރަށް ކަށިޖެހުމުގެ ފުރުސަތު ނުދެއްވާށެވެ. މުއުމިނުންގެ ގޮތަކީ އެއީއެވެ.
ޑީއާރުޕީއަށް ބަދަލުވާން އުޅޭކަމަށް ދެކެވޭ ވާހަކަތައް ގާސިމް ދޮގުކުރައްވައިފި މޫސާ ސާއިދު
ސިޔާސީ މައިދާނުގައި އަބަދުވެސް ކުރިޔަށް ވަޑައިގަންނަވާނީ ޖުމްހޫރީ ޕާޓީއާއެކުގައި ކަމަށާއި އެޕާޓީ ދޫކޮށްލުމަށްފަހު އެމަނިކުފާނު ގުޅިވަޑައިގަންނަވާނެ އިތުރު ސިޔާސީ ޕާޓީއެއް ނޯންނާނެކަމަށް ޖުމްހޫރީ ޕާޓީގެ ލީޑަރު ޤާސިމް އިބްރާހީމް ވިދާޅުވެއްޖެއެވެ. މިހާރަކަށް އައިސް ބައެއް ފަރާތްތަކުން ޤާސިމާ ޑީއާރުޕީއާ ގުޅުންވާ ކަމަށާއި މައުމޫނު ޑީއާރުޕީގެ ޒައީމް ކަމުން ދުރަށްވަޑައިގެން އެޕާޓީގެ ޒައީމް ކަމުގެ މަޤާމަށް ޤާސިމް ގެންނަވަން މަސައްކަތް ޕުޅުކުރައްވާ ކަމަށް ދެކެވޭ ވާހަކަ ތަކާބެހޭގޮތުން މިއަދު ނޫހުން ސުވާލު ދެންނެވުމުން ޤާސިމް ވިދާޅުވީ އެއީ ސިޔާސީ ގޮތުން މަންފާހޯދުމަށް ބައެއް ފަރާތްތަކުން ފަތުރާ ހަޤީޤަތެއްނެތް ވާހަކަތަކެއް ކަމަށެވެ. އަދި އެފަދަ ހަޤީޤަތެއްނެތް ވާހަކަ ރައްޔިތުން ޤަބޫލު ނުކުރައްވާނެ ކަމަށްވެސް ޤާސިމް ވިދާޅުވިއެވެ. "އަޅުގަނޑަކީ ޖުމްހޫރީ ޕާޓީގެ މީހެއް. އަޅުގަނޑު ދާނެ އިތުރު ސިޔާސީ ޕާޓީއެއް ނޯންނާނެ. އެހެން އެއްވެސް ޕާޓީއަކަށްދާކަށް އަޅުގަނޑު ގަސްދެއް ނުކުރަން. ތިޔައީ ބަޔަކު ސިޔާސީ ގޮތުން އަޅުގަނޑަށް ގެއްލުންދީ ބަޔަކަށް މަންފާ ހޯދުމަށްޓަކައި ފަތުރާ ހަޤީޤަތެއްނެތް އަޑުތަކެއް. ސިޔާސީ ގޮތުން ރައްޔިތުން ހޭލުން ތެރިވެފައިވާ ދުވަސްވަރެއްގައި ތިޔަހެން ފަތުރާ ވާހަކަތަކުގެ ހަޤީޤީ ބޭނުން ރައްޔިތުން ދެނެގަންނާނެ" ގާސިމް ވިދާޅުވިއެވެ. ޤާސިމް ވިދާޅުވީ އޭނާ ޖުމްހޫރީ ޕާޓީގެ ތެރެއިން ކުރައްވާނެ މައިގަނޑު މަސައްކަތް ތަކަކަށްވާނީ ރައްޔިތުންނަށް ފަހި އުޖާލާ ކުރިމަގެއް ހޯއްދަވައިދެއްވުމަށް މަސައްކަތް ކުރެއްވުމެވެ.
ކޮމެންޓްތައް
މިހާތަނަށް އެއްވެސް ކޮމެންޓެއް ނެތް.
ކޮމެންޓް ކުރެއްވުމަށް ގޫގުލް އެކައުންޓުން ވަދެވަޑައިގަންނަވާ