އިއްޔެ މަޖިލީސް ދޮށުގައި ކުރި މުޒާހަރާ ނިމުނީ ހެދިގޮނޑު ދޮށަށް

އިއްޔެ މަޖިލީސް ދޮށުގައި ކުރި މުޒާހަރާގައި ރީކޯ މޫސައަށް އަނިޔާކޮށްފައިވާކަމަށްބުނެ މޫސަ ، އުމަރު ނަސީރާއި ބައްދަލުކުރަން އަލާރމްސް ކައިރިއަށް ދިއުމުން މޫސައަށް ސަޕޯރޓުކުރާ ބައަކު ނުކުމެ އެހިސާބުގައިވަނީ އަޑުގަދަކޮށްފައެވެ. އެމީހުން ސިފަ ކުރަމުންގެންދިއައީ އައިޑީޕީއަކީ މިހާރު ޑީއާރުޕީގެ ޕަޕެޓު ކަމުގައެވެ.

އެތަނާއި ވަރަށް ކައިރީގައި އެމްޑީޕީއިން ޚިތާނުކުރުން ބާއްވައިގެން އުޅޭތީ އެތަނުގައިތިބި ގިނަބައަކަށް އެތަންފެނުމުނ ނުކުތީކަމަށްވެސް ވަނީ މައުލޫމާތުލިބިފައެވެ.

އުމަރު ނަސީރަކީ ޑީއާރުޕީގެ ކަންތަައްތަކަށް ކުރިން އެންމެ ފާޑުކިޔަމުންއައި އެކެކެވެ. މައުމޫނު ސަރުކާރުގެ ކޮރަޕްޝަނާއި ފަސާދައާއި ވައްކަންތަކަށް ފާޅުގައި އެންމެ ގަދައަށް އަޑުއުފުލަމުން ގެންދިއަ އެކަކީ އުމަރު ނަސީރެވެ. ނަމަވެސް މިއަދު ޑީއާރުޕީގެ ބައެއް އެއްވުންތަކުން އުމަރު ނަސީރު ފެންނާތީއާއި އެފަދަ ތަންތަނުގައި ތަގުރީރުކުރާތީ ގިނަބައަކު ދަނީ ފާޑުކިޔަމުންނެވެ.

އެފަދަ މީހުން ބުނަމުންގެންދަނީ އުމަރު ނަސީރު ޑީއާރުޕީގެ ކަންތައްތަކުގެތެރެއިން ފެނުމަކީ އެމީހުން ރުހޭކަމެއްނޫންކަމަށާއި އުމަރު ނަސީރު އެފަދަ ތަންތަނުން ފެނުުމުން ކުރިން އުމަރު ނަސީރު ދެއްކި ވާހަތައް މިހާރު ގަބޫލުނުކުރާކަމަށެވެ.

އުމަރު ނަސީރު ކުރިން ބުނެފައިވަނީ މައުމޫނަކީވެސް އަދި ނަޝީދަކީވެސް އޭނާ ތާއީދުކުރާ ބައެއް ނޫންކަމަށެވެ. އެހެންކަމުން މިއަދު މައުމޫނަށް ތާއީދުކުރާކަމުގެ މަންޒަރުތައްފެންނަން ފެށުމުން ރައްޔިތުންނަށް އެކަން ބަލައިގަންނަން އުނދަނގޫވަނީއެވެ.

ކުރީގެ ސަރުކާރުން 35 އަހަރަށާާއި 25 އަހަރަށް ކުއްޔަށް ދޫކޮށްފައިވާރިސޯރޓުތައް ކުއްޔަށް ދޫކޮށްފައިވާ މުއްދަތަށް މިހާރުގެ ސަރުކާރުން ހަމަޖައްސާ ގަވާއިދުތަކާއި އުސޫލުތަކުގެދަށުން 50 އަހަރާއިހަމައަށް މުއްދަތު އިތުރު ކޮށްދިނުމާއިބެހޭގޮތުން މަޖިލީހަށް ހުށަހެޅިފައިވާ ބިލުގެ ބަހުސް މެދު ކަނޑައިލުމަށްފަހު އަލުން ފެށުމުން އެކަމާއިދެކޮޅަށް އައިޑީޕީއާއި ޑީއާރުޕީގެ ސަޕޯރޓަރުން އިއްޔެ ވަނީ މަޖިލީސް ކައިރީގައި މުޒާހަރާކޮށްފައެވެ.

މުޒާހަރާކުރާމީހުން ގޮވަމުންގެންދިއައީ އެބިލަކީ މުއްސަނދިންގެ މުއްސަނދިކަން އިތުރުކުރުމަށް މަގުފަހިވާ ބިލެއްކަމަށް ގަބޫލުކުރާކަމަށާއި އެބިލް މަޖިލީހުގެ ތަޅުމުން ވަގުތުން ބޭރު ކުރުމަށެވެ. އައިޑީޕީގެ ރައީސް އުމަރު ނަސީރު ވިދާޅުވމުންގެންދެވީ މަޖިލީހުގެ ތަޅުމުން ބިލް ބޭރުކުރެވެންދެން މުޒާހަރާ ކުރިއަށް ގެންދަވާނެކަމަށެވެ.

މިމުޒާހަރާގައި ވީހައިވެސް ގިނަބައަކު ބައިވެރިކުރުވުމުގެގޮތުން އިއްޔެ ހަވީރު އާރޓިފިޝަލް ބީޗްގައި ވަނީ އެއްވުމެއްބާއްވާފައެވެ. އަދި ރޭ ލޮނުޒިޔާރަތްކޮޅުގައިވެސް ވަނީ އެއްވުމެއް ބައްވާފައެވެ.

މަޖިލީސްދޮށުގައި ތިބީ 150 ވަރަކަށް މީހުންނެވެ.

މިމުޒާހަރަކުރަމުންގެންދިއަމީހުން ފުލުހުންވަނީ އެސަރަހައްދުން ދުރުކޮށްފައެވެ. ބައެއް މީހުން ބިންމަތީގައި އޮށޯވެ ނުތެދުވުމުން ފުލުހުން އެމީހުން އުފުލައިގެން ގެންދިއަމަންޒަރުވެސް ފެނުނެވެ. މިފަދަ މަންޒަރުތަކަކީމީގެ ކުރިންވެސް ފެނިފައިވާ މަންޒަރުތަކެވެ.

އިއްޔެގެ މުޒާހަރާއާއިގުޅިގެން އެއްވެސް މީހަކު ފުލުހުންގެ ބެލުމުގެދަށަށް ގެންދަވާފައެއް ނުވެއެވެ. މަންޒަރު ބަލަންތިބި ބައެއް މީހުން ބުނެފައިވަނީ " ޑީއާރުޕީއިން ފޮނުވާފައިއެތިބީ ހުސް ބިއްލޫރި މޫސަ " ކަމުގައެވެ.

އާކައިވް ކުރެވިފައިވާ ނުސްޚާ