މަރުހަބާ ޤާސިމް ! އޮނަރަބަލް ޤާސިމް އިބްރާހީމް އަބަދުވެސް ރައްޔިތުންގެ ޤާސިމް !

އޮނަރަބަލް ޤާސިމް އިބްރާހީމް އިއްޔެ ރައްޔިތުންނަށް އިތުރަށް ކަށަވަރުކޮށްދެއްވީވެސް އެމަނިކުފާނަކީ ހަމަ ރައްޔިތުންގެ ޤާސިމް ކަމެވެ. އެމަނިކުފާނަކީ ވަކިމަގާމެއް ނުވަތަ ބާރުތަކެއް ހޯއްދަވައިގެން އަމިއްލަ އެދުންފުޅުތައް ކުރިޔަށް ނެރުއްވައިގެން ކަންތައްތައް ކުރައްވަން ބެނުންފުޅު ބޭފުޅަކު ނޫންކަމެވެ.

އެކަމަށްޓަކައި ރައްޔިތުން ރައްޔިތުންގެ ގާސިމަށް ހޫނު މަރުހަބާ ކިޔަމުންގެންދަނީއެވެ.

ހަމައެއާއިއެކު ރައްޔިތުން ޝުކުރުވެރިކަމުގެ ޝުއުރުތައްވެސް ފާޅުކުރަމުންގެންދަނީއެވެ. އެއީ 30 އަަހރުވަންދެން ގައުމުގެ ވެރިކަން ފޭރިގަނެގެން ރައްޔިތުންގެ ހައްގުތަކަށް އަރައިގަންނަމުންގެންދިޔަ މައުމޫނުގެ ކިބައިން ދިވެހިގައުމު ސަލާމަތްކޮށްދެއްވުމުގައި އެންމެ މަތިވެރި ޤުރުބާނީއެއް ވެވަޑައިގެންނެވި ލީޑަރަކީ އެމަނިކުފާނުކަމަށް ވެވަޑައިގަންނަވާތީއެވެ.

އަމިއްލަފުޅަަށް ނުކުމެވަޑައިގެން ރައްޔިތުންނާއިކުރިމަތިލައްވައި ހާމަކުރެއްވި ޝުއޫރުތަކާއި އިހްސާސްތަކާއި ކުރެއްވެވި އާދޭހާއި އަދި ހޭދައަކީ ހަމަ ގައުމުގެ ރައްޔިތުންގެ ހައްގުގައި ކުރެއްވެވި މަތިވެރި ޖިހާދެއް ކަމުގައި ނޫނީ ނުވާނެއެވެ.

އެފަދަ ހުރިކަންކަމާއިއެކުވެސް މަގާމަށްވުރެ ރައްޔިތުންނަށް ޚިދުމަތްކުރެއްވުމަށް އިސްކަން ދެއްވައި ރައްޔިތުންގެ ހައްގުގައި ހޯމް މިނިސްޓަރުކަމުގެ ޝަރަފުވެރި ބާރުވެރި މަގާމުން އިސްތިއުފާ ދެއްވިކަމީ އޮނަރަބަލް ގާސިމްއަކީ އަބަދުވެސް ރައްޔިތުންގެ ހައްގުގައި ގުރުބާންވެވަޑައިގަތުމަށް ތައްޔާރަށް ހުންނެވި ބޭފުޅަކުކަން ރައްޔިތުންނަށް އިތުރަށް ޔަގީންވެގެންދިއަ ސަބަަބެކެވެ.

އެންމެ މަތިވެރި މަގަމަކީވެސް އަދި ޝަރަފަކީވެސް ރައްޔިތުންގެ އިހްތިރާމާއި ލޯތްބެވެ. އެންމެބޮޑު ހިތްހަމަޖެހުމަކީވެސް އެއީއެވެ. ސަރުކާރުގެ ކޮންމެ މަގާމަކީވެސް އެމީހެއްގެ ކިބައިން ގެއްލިގެންދާނެ ކަންކަމެވެ. ނަމަވެސް ރައްޔިތުންގެ އިހްތިރާމާއި ލޯތްބަކީ ދުވަހަކުވެސް ފަނާވުމެއް އަދި ބަދަލުއައުމެއް ނާންނާނެ މަތިވެރި ނިއުމަތެވެ.

އިނަރަބަލް ގާސިމް އިބްރާހީމް ރޭ ވީޓީވީއަސް ދެއްވި ޚާއްސަ ބަސްދީގަތުމުންވެސް މިކަން ވަރަސް ފުރިހަމައަސް ޔަގީންވެއެވެ. އެމަނިކުފާނު ހޯމް މިނިސްޓަރުކަމުގެ މަތިވެރި އަދި ޝަރަފުވެރި ، ބާރުވެރި މަގަމުން އިސްތިއުފާދެއްވެވީ ރައްޔިތުންގެ ހައްގުގައިކަމެވެ.

އެމަގާމުގައި އެމަނިކުފާނު ހުންނެވުމަކީ ރައްޔިތުންނަށް ސަރުކާރުން ފޯރުކޮށްދޭން ޖެހޭ ޚީދުމަތްތަކަށް ހުރަހަކަށް ވާކަމަށް އެމަނިކުފާނަށް ގަބޫލުފުޅު ކުރެއްވެވޭތީ އިސްތިއުފާ ދެއްވީކަމެވެ!

ރައްޔިތުންގެ ގާސިމްއެވެ. މަނިކުފާނަކީ އަބަދުވެސް ރައްޔިތުންގެ ގާސިމެވެ. ދިވެހިއެތައްރައްޔިތުންގެ ބައްޕައެވެ އެތައް ދަރިންތަކެއްގެ ބައްޕައެވެ. އެދަރިންތަކަށް ކިޔވައިދެއްވުމަށާއި ބޭސްފަރުވާކޮށްދެއްވުމަށާއި އެހެނިހެން ކަންތައްތައް ކޮށްދެއްވުމަށް މަނިކުފާނު ވެވަޑައިގަންނަވަމުންގެންދަވާ މަތިވެރިގުރުބާނީގެ އަގު ދިވެހިރައްޔިތުން ވަޒަންކުރެއެވެ. މާތްﷲ ވާގިފުޅާއިއެކު އަބަދުވެސް ދިވެހިރައްޔިތުން ދެމިތިބޭނީ އެގޮތްމަތީގައެވެ!

އާކައިވް ކުރެވިފައިވާ ނުސްޚާ