ޓޫރިޒަމް ވަރކަރސް ޔުނިއަންގެ ނަމުގައި މަޓީން ދެބޯގެރި ދުއްވައިފި.

ޓޫރިޒަމް ވަރކަރސް ޔުނިއަންގެ ނަމުގައި ޖަމާއަތެއް އުފައްދައި ދެބޯގެރި ދުއްވުމުގެ މަސައްކަތްތަކެއް މަޓީން ކޮށްފިއެވެ. މިގޮތުން މިއަދު މިދެބޯގެރިން ބޭއްވި ނޫސްކޮންފަރެންސްގައި މުޅިންވެސް ދެއްކީ އިއްޔަ މަޓީން ނެރުނު ނޫސްބަޔަނުގައި ހިމަނާފައިވާ ކަންތައްތަކުގެ ވާހަކައެވެ.

ފަތުރުވެރިކަމުގެ ސިނާއަތުގައި މަސައްކަތްކުރާ ޔޫނިއަނެއްގެނަމުގައި ދެ ލޯޔަރުންނެރެފައި މިބުނަނީ ފަތުރުވެރިކަމުގެ ސިނާއަތުގައި މަސައްކަތްކުރާ މުވައްޒިފުންނަށް މިއަދު ކުރިމަތިވެފައިވާ ހާލަތު އެޔޫނިއަނުން ދިރާސާކުރަން އަދިކިރިޔަން ފަށަން އުޅެނީކަމަށެވެ.

މިހެންބުނެފައި ދެންމިކުރިކަމަކީ ފަތުރުވެރިކަމުގެ ސިނާއަތުގައި މަސައްކަތްކުރަމުން ގެންދާ މުވައްޒިފުން އެމީހުންނަށް ލިބިދޭންޖެހޭ އަސާސީ ހައްގުތައް ލިބިގަތުމަށް މިހާރު ކުރަމުންގެންދާ މުޒާހަރާތަކަކީ އެއްވެސް އިންސާފަކުން ކުރަމުންގެންދާ މުޒާހަރާތަކެއް ނޫން ކަމުގައެވެ.

ރިސޯރޓެއްގައިވިޔަސް އަދި އެހެންތަނެއްގައިވިޔަސް މަސައްކަތްކުރާ އެތައްސަތޭކަ މުވައްޒިފުން ނުކުމެ މުޒާހަރަކުރުމުން އެކަމަށް ފާޑުކިޔަންޖެހޭނީ އެކަމުގައިހުރި މައްސަލަތައް ބަލައި ޗެކުކުރުމަށްފަހުގައެވެ. އެއްވެސް ތަނެއްގައި މަސައްކަތްކުރަމުންގެންދާ މުވައްޒިފުންގެތެރެއިން 200 ނުވަތަ 300 މުވައްޒިފުން އެއްފަހަރާ ނުކުމެ އެތަނަކާއިދެކޮލަށް ކަމެއްކުރުމަކީ ކިހައިވަރެއްގެ މައްސަލައެއްކަން މިޔޫނިއަނަކަށް ނޭނގެއެވެ.

ދެން އެހެންގޮތެއް ނެތިގެންނޫނީ އެހައިގިނަބަޔަކު އެފަދަ ކަމެއް ނުކުރާނެކަމެއްވެސް އެޔޫނިއަނަކަށް ނޭނގެއެވެ. ތަނުގައިއުޅެ ތަނަށް ކުލުނު ޖެހިފައިވާ އެތައް ސަތޭކަ މުވައްޒިފުން ހަޅުތާލަކަށް ނުކުންނާނީ ދެން އެހެންގޮތެއް ނެތުނީމައިކަން ނުވިސްނުނުއިރު އެބުނާ ޔޫނިއަނުގެ ވެރިންނަށް މިއިންކަމެއް ބަލައި އަސްލުހޯދަން މަސައްކަތްކުރެވިފައި ނެތްނަމަވެސް މިފަދަ ޕްރެސް ކޮންފަރެންސެއް ދީގެން ބަޔަކު ވާވެއްދޭތޯ މަސައްކަތްކުރަން އެނގިއްޖެއެވެ.

މިހައިތަނަށް އަޅުގަނޑުމެންނަށް ފެންނަމުންދަނީ ކޮންމެ ނުސްކޮންފަރެންސެއްގައިވެސް އެމުއައްސަސާއެއްގެ އެންމެ އިސް މަސްއޫލުވެރިން ތިއްބަވައިގެން މައުލޫމާތު ދެއްވަމުން ގެންދަވާތަނެވެ.

" އަޅުގަނޑަކީ ޓޫރިޒަމް ވަރކަރސް ޔޫނިއަންގެ މެންބަރެއްވެސް ނޫން . މުވައްޒިފެއްވެސް ނޫން. އެތަނުން އައްޔަބނުކުރި ލޯޔަރު " ކަމަށްޝ ހަސީނު ބުނެފައިވެއެވެ. ކުންފުނިތަކާއި ޖަމާއަތްތަކުގައި ލޯޔަރުންގެ ގޮތުގައި މަސައްކަތްކުރަނީ ކޮންޓްރެކްޓެއްގެ ދަށުން ކުއްޔަށްހިފާ ކުލީބައެކެވެ. ވީމާ އެފަދަ ކުލީމަހަކު ނުވަތަ ދެމީހަކު ނެރެގެން ޔޫނިއަނެއްގެނަމުގައި ބަހަނާތައް ދެއްކުމަކީ މިއަދު ދިވެހި މުުތަމައު ގަބޫލުކުރާނެކަމެއް ނޫނެވެ.

ދެވަނަ ލޯޔަރަކަށް އިން ޝާއިރު ޕްރެސް ކޮންފަރެންސް ނިންމާފައި ނުކުމެ ބުނެފައިވަނީ އޭނާއަށް ހަމައެއްވެސް ކަމެއް ނޭނގޭ ކަމަށާއި ހަސީނު ބުނެގެން ޕްރެސް ކޮންފަރެންސް ދިނުމަށް އައީކަމަށެވެ.

އެހެންކަމަށްވާއިރު މިކަމަކީ މަޓީން ދުއްވި ދެބޯގެރިއެއްކަން ވަރަށް ރަނގަޅަށް އެބަ ސާބިތުވެއެވެ. މައްސަލަތައް ހައްލުކުރަން މަޓީން ބޭނުންނަމަ މިފަދަ ދުވަސްވަރަކު ދެބޯގެރި ދުއްވުމުގެ ބަދަލުގައި މައްސަލަތަކުގެ އަސްލުދެނެގަނެ މައްސަލަތައް ހައްލުކުރަން މަސައްކަތްކުރުމަށް އިސްކަންދޭނެއެވެ.

އާކައިވް ކުރެވިފައިވާ ނުސްޚާ