މައުމޫނު ސަރުކާރުން އާ އެއްޗެއްގެގޮތުގައި އެތެރެކުރި ބާ ކޮޅުވެށްޓި ބަލައިނުގަތުމަށް އެންޓިކޮރަޕްޝަން ބޯޑުން އަންގައިފި.

މުޅިން އައު ކޮޅުވެށްޓިއެއްގެގޮތުގައި މާލޭ މުނިސިޕަލިޓީގެ ވޭސްޓް މެނޭޖްމަންތް ސެކްޝަނުންއެތެރެކުރި ބައު ކޮޅުވެށްޓި ބަލައިނުގަތުމަށް އެންޓި ކޮރަޕްޝަން ބޯޑުން މިއަދު އަމުރުކޮށްފިއެވެ. ކޮޅުވެށްޓީގެ އަގު ދެއްކުމަށް ދެފަރާތް އެއްބަސްވެފައިވާގޮތާއި ޚިލާފަށް އެތައް މިލިއަން ރުފިޔާއެއް އެޑްވާންސްކޮށް ދައްކައި ރައްޔިތުންގެ ފައިސާތައްވަނީ މިޑީލުގައިވެސް ދިރުވާލާފައެވެ.

ސިންގަޕޫރުގެ ކުންފުންޏަކާއިއެކު އެގްރިމަންޓުކޮށް 8.6 މިލިއަން ރުފިޔާއަށް އެތެރެކުރި މިކޮޅުވެށްޓިއަކީ މައުމޫނުގެ ސަރުކާރުން އަލަށްކުރިކަމެއްނޫނެވެ. އާތަކެތީގެގޮތުގައި ބާތަކެތި އެތެރެކޮށް އާތަކެތީގެ އަގުރައްޔިތުންގެ ފައިސާއިން ނަގަމުންގެންދިއުމަކީ މައުމޫނުގެ ސަރުކާރުން އަބަދުވެސް ކުރަމުންއައި ކަމެކެވެ.

މައުމޫނުގެ ހެޔޮފުޅުކަން ހައްދުފަހަނަޅައިގޮސް ބައެއްރަށްރަށަށް ދިން ޖެނެރޭޓަރުތަކަށްވެސް ޖެހުނީ މިހާލެވެ. އައު އެއްޗެތީގެ ނަމުގައި މުޅިން ގެނައީ ބައުޖަނަރޭޓަރު ތަކެވެ. ގަތްއަގުގެ ހަތަރުގުނަ އިތުރަށްވަނީ ރައްޔިތުންގެ ފައިސާއިން ކައްވާލައިފައެވެ.

މިދެންނެވި ބޮޑެތި ޚިޔަނާތްތަކާއި މަކަރުވެރި ހީލަތްތެރި އަމަލުތައް ހިންގުވާފައިވަނީ އަބްދުﷲ ހަމީދު ސީދީ އާއި ޔާމީނު ސީދީގުޅިގެން އުފައްދާފައިވާ ނަމިރާ އިންޖިނިއަރިންނެވެ. މިކަންކަމުގެ މައްސަލަތައް އަދިވެސް އެންޓިކޮރަޕްޝަން ބޯޑަށް ނަގިލި ލީގޮތަށް އެތަނުގައިހުރީއެވެ.

ފާއިތުވީ 30 އަހަރު ދުވަހު ދިވެހިންގެ ލޭބޮމުން އައސިސްފައިވާގޮތް ފެނި ހާމަވަމުންމިދަނީއެވެ. މިހާރުވެސް މިކަން ރަނގަޅަށް ބަލައިފިނިމަ ސިންގަޕޫރުން މިކޮޅުވެއްޓީގެ ޑީލް މާލޭ މުނިސިޕަލިޓީއާއިއެކު ހަދާފައިވާނީވެސް ކޮންމެވެސް ސީދީއަކު ސިންގަޕޫރުގައި ހިންގާ ވިޔުގައަކުންނެވެ. ފައިސާ ޖަމާވެފައި ހުންނާނީވެސް ކޮންމެވެސް ސީދީއެއްގެ އެކައުންޓަކަށެވެ.

އެންޓި ކޮރަޕްޝަން ބޯޑުގެ ވެރިންނަށް އަޅުގަނޑުމެން ކުރަންއޮތް އިލްތިމާސަކީ މިފަދަ މައްސަލަތައް ބައްލަވައި ޝަރީއަތަށް ފޮނުވަންޖެހޭ މައްސަލަތައް އަވަހަށް ޝަރީއަތަށް ފޮނުވައިދެއްވުމަށެވެ. މައުމޫނު ރާއްޖޭގެ ސަރުކާރުު ހިންގި 30 އަހަރު މައުމޫނަށް ބައިއަޅައިގެން ކޮށްފައިވާ މިފަދަ ބޮޑެތިވައްކަންތައް ކޮށްގެންތިބި ބޮޑެތި ވަގުންތަކަށް ގާނޫނާއި ކުރިމަތިލާންޖެހޭނެއެވެ. އެހެން ނިކަމެތިންގެ މައްސަލަތައްވެސް ބެލޭފަދައިން މިފަލަ ސީދީންތަކުގެ މައްސަލަވެސް ބެލެން ޖެހޭނެއެވެ. ހައްގުއަދަބު ދެވެން ޖެހޭނެއެވެ.

ސިންގަޕޫރާއި ރާއްޖެއާއިދެމެދުގައި ކުށްވެރިން ބަދަލުކުރުމުގެ އެގްރިމަންޓުގައި ސޮއިކުރެވުނު އަޑެއްވެސް ވަނީޯއިވިފައެވެ. އެފަދަ އެގްރިމަންޓެއް މިހާރުނެތްނަމަ އިންޓަރޕޯލް މެދުވެރިކޮށްގެންވެސް މިފަދަ ބޮދެތި ޚިޔާނާތްތަކާއިމެދު އިންސާފުކުރެވި ރައްޔިތުންގެ ހައްގުތައް ރައްޔިތުންނަށް ހޯދައިދެވެންޖެހޭނެއެވެ.

މިކަންކަން ކުރުމަށް ނުކުޅެދޭ އެންމެން އަވަހަށް މަގާމުތަކުން އިސްތިއުފާދީފައި މައުމޫނާއިއެކު އަވަހަށް އާއުސްމިންތަކަށް އަރަން ތައްޔާރުވާށެވެ.

ގުޅުންހުރި ލިޔުން / ހަވީރު ނޫސް

އާކައިވް ކުރެވިފައިވާ ނުސްޚާ