ދިވެހިންގެ ކުރިމަގު : ކުށްކުރުން ނެތް މާހައުލެއް ލިބުން ..

އޮނަރަބަލް ޤާސިމް އިބްރާހީމްއެވެ. މަނިކުފާނު ދިވެހިރައްޔިތުންނަށް ދެއްވެވި އުއްމީދުތަކާއިގެން އަވަސް ފިޔަވަޅުމަތީ ކުރިއަށް ވަޑައިގަންނަވަން މަސައްކަތް ކުރައްވާށެވެ. މިގައުމަކީ ކުށްވެރިން ކުރަމުންގެންދާ ކުށްތަކުން ފުރިފައިވާ ހާއްޔަކަށް މައުމޫނު ހަދާފައި މިއޮތްއޮތުން އަވަހަށް ނިމުމަކަށް ގެނެސްދެއްވާށެވެ!

ހޯމް މިނިސްޓަރުކަމުގެ މަގާމު ލިބިވަޑައިގަތުމާއިއެކު " ކުށްކުރުން ހުއްޓުވަން ކުރެވެންއޮތް ހުރިހައިކަމެއް ކުރައްވާނެ " ކަމުގެ ޔަގީންކަން ހޯމް މިނިސްޓަރ އޮނަރަބަލް ޤާސިމް އިބްރާހީމްވަނީ ދިވެހިރައްޔިތުންނަށް ދެއްވާފައެވެ. އަދި އެމަނިކުފާނު ދެއްވެވި މިޔަގީންކަމުގެ ސަބަބުން ޒަމާންތަކެއްވަންދެން ދިވެހިންނަށް ތިބެންޖެހުނު މާޔޫސްކަން ފިލައި އާދިރުމެއް ލިބިދާނެކަމުގެ އުއްމީދުތައްވަނީ އާލާވާންފަށައިފައެވެ.

ފާއިތުވީ 30 އަހަރުދުވަހަކީ ދިވެހިންގެ ތާރީޚުގައި ދިވެހިންނަށް ތަޖުރިބާކުރަންޖެހުނު ހުރިހައިގޮތަކުންވެސް އެންމެ ހިތްދަތި ކަޅުއަނދިރި ދުވަސްތަކެވެ. ދިވެހިންގެ ޒަމާންވީ ރިވެތި ޘަޤާފަތްތައް ދިވެހިންގެ ތެރެއިން ފިލައިދިއަ އަހަރުތަކެކެވެ.

މިގޮތުން އެންމެ ހިތާމަކުރަންޖެހޭ އެއްކަމަކީ ކުށްކުރުން ގިނަވެގެންދިއަކަމެވެ. ދުނިޔޭގެ ފެންވަރުގައިވެސް ފާހަގަކޮށްލެވޭ ފެންވަރުގެ ބޮޑެތި ކުށްކުރާ އެތައްބައަކު ރާއްޖޭގައި ގިނަވެގެންދިއަކަމެވެ. ބޮޑެތި ކުށްތައް ގިނަވެ އާއްމުވެގެންދިއަކަމެވެ. ދުނިޔޭގެ އެންމެ ބިރުވެރިކަންބޮޑު ނުރައްކާތެރި ކުށްތައް ކުރަމުންގެންދާ ގައުމުތަކުގެ ރައްޔިތުން ދިރިއުޅެމުންގެންދާފަދަ މާހައުލެއްގައި ދިރިއުލެން ދިވެހިންނަށް ޖެހުނުކަމެވެ. މައުމޫނުގެ 30 އަހަރުވީ ވެރިކަން ނިންމައިލެވުނުއިރު ރާއްޖެ މިވަނީ ބައިނަލްއަގުވާމީ ކުށުގެ ހާއްޔަކަށް ބަދަލުކޮށްފައެވެ.

މިކަންކަމަކީ ނުއެނގިތިއްބައި ކުއްލިއަކަށް އައިސް ކުރިމަތިވީ ކަންކަމެއް ނޫނެވެ. މައުމޫނާއި މައުމޫނުގެ އާއިލާއިން ރާވައި ކުރިމަތިކުރުވި މުސީބާތްތަކެކެވެ. މައުމޫނުގެ އަނިޔާވެރި މަކަރުވެރި ޚުދުމުޚުތާރު ސަރުކާރު ދެމެހެއްޓުމަށްޓަކައި ދުރާލައި ރާވައިގެން ހިންގި މަކަރުވެރި ކަންތައްތަކެކެވެ.

ކުށްކުރާނެ މީހުން އުފެއްދީއެވެ.، އެމީހުންލައްވައި ކުށްތައް ކުރުވަމުންގެންދިއައީއެވެ. އެމީހުންކުރާ ކުށްތައް ބަލައި ފިވަޔަވަޅު އެޅުމަށް މައުމޫނުގެ ސަރުކާރުން ނުކުޅެދުނީ މިފަދަ ކުށްތައް ކުރަމުންއައި ބައަކާއި މައުމޫނާއި އަދި މައުމޫނުގެ ސަރުކާރާއި ގުޅި ލާމެހިފައިވާ ކަންތައްތަކެއް ހުރީތީއެވެ. މިސަބަބުުތަކަކީީ އެއްވެސް އޮޅުމެއްހުރި ކަންތައްތަކެއްނޫނެވެ.

ކޮންމެއަކަސް މާތްﷲގެ މަތިވެރި ހަޟްރަތުން ވާގިއެދިތިބެ ހިތްވަރުގަދަ ބައަކު ނުކުމެކުރި މަސައްކަތްތަކެއްގެ ސަބަބުން މިއަދު ކަންކަމަށް މިވަނީ ބޮދެތި ބަދަލުތަކެއް ގެނުވިފައެވެ. މައުމޫނުގެ މަކަރުވެރި އަނިޔާވެރި ޚުދުމުޚުތާރު ވެރިކަން މިވަނީ ނިންމައިލެވިފައެވެ. މައުމޫނުގެ ސަރުކާރުގައިތިބެ ދިވެހިރައްޔިތުން ހަފުސް ކުރަމުންގެންދިއަ ޚާއިނުންތަކުގެ ބާރު މިއަދު މިވަނީ ގައުމުން ފޮހެލެވިފައެވެ. އާ ޒަމާނަކަށް އަލިވިލިފައެވެ.

އެހެންކަމުން މިއަދު ދިވެހިރައްޔިތުން ގައުމާއިމެދު ދެކެމުންދަނީ ވަރަށް އުއްމީދީ ނަޒަރަކުންނެވެ. މިދެންނެވި އުއްމީދުތަކުގެތެރެއިންވެސް އެންމެބޮޑު ސަމާލުކަމެއް ރައްޔިތުން ދީފައިވާ އެންމެ މުހިއްމު އެއްކަމަކީ ކުށްކުރުން ހުއްޓުވަން ސަރުކާރަށް ކުރެވެންހުރި ހުރިހައިކަންކަމެއް ކުރާނެކަމަށް އޮނަރަބަލް ޤާސިމް އިބްރާހީމް ދިވެހިރައްޔިތުންނަށް ދެއްވެވި އުއްމީދެވެ.

މިދެންނެވި އުއްމީދުތައް ދިވެހިރައްޔިތުންގެ ހިތްތަކުގައި އަލާވާންފެށުމުން ކާމިނީގޭ އަބްދުﷲ ޔާމީނު އަބްދުލް ގައްޔޫމު ސީދީފަދަ ކްރައިމް މާސްޓަރުންގެ ގޮތުގައި ރައްޔިތުން ގަބޫލުކުރަމުންއަންނަ ކްރައިމް މާސްޓަރުންތައް މިހައި އަވަހަށް އެކަންކަމާއިމެދު ކަންބޮޑުވާކަން ހާމަކުރަން ފަށައިފިއެވެ.

އެއީ ދުނިޔޭގެ ކޮންމެ ގައުމަކުންވެސް ފެންނަމުންދާ ކަންތައްތަކެވެ. އިސްލާހީ ބަދަލުތަކެއް އައިސް ރައްޔިތުންނަށް ފައިދާހުރި ރައްޔިތުންގެ ވެރިކަމެއް ފެށޭއިރަށް ގައުމުގައިތިބޭ ކްރައިމް މާސްޓަރުންތައް އެއްނަރަށް ދަމާ ފޫގަޅައިގެން މަގުތަކަށްނުކުމެ އާއި ސިއްރިޔާތުގައި މަކެރުވެރި ރޭވުންތައް ރާވައިގެން އެސަރުކާރެއްގައި ހިމެނިވަޑައިގަންނަވާ ރައްޔިތުންނަށް އިޚުލާްސްތެރިންގެ ލޭބޯން ކުރެވުނުހައި މަސައްކަތްތަކެއް ކުރަމުންގެންދާނެއެވެ. އަބުރާއިބެހި ދޮގު ބަދުނާމުތައް އަޅުވައި ފަޟީހަތްކުރަން މަސައްކަތް ކުރާނެއެވެ. ޤދަރު ވެއްޔާއި މޮޑެލަން މަސައްކަތް ކުރާނެއެވެ.

އެހެންކަމުން ޔާމީނު ސީދީގެ ވޮށިފަޅާ ސައިޓުން މިދެންނެވި ޒާތުގެ މަސައްކަތްތައް ކުރަންފެށުމަކީ އަޅުގަނޑުމެން ކަންބޮޑުވާކަމެއް ނޫނެވެ. މިފަހަރަށް ނިންމައިލަމުން ހަމަ އެންމެ ސުވާލެއް ވޮށިުފަޅާ ސައިޓުނެރޭ ޓީMާއިކޮށްލާނަމެވެ؟

މައުމޫނު ސީދީ އާއި ޔާމީނު ސީދީއަށް ރާއްޖޭގެ ވެރިކަން ނުލިބޭނެކަމާ ހަފޮޅުން ބޭރުކޮށްލާނެކަން އެނގުމުން ފިލިގޮތަށް ތިބެފައި ތިޔަނުކުތީ ރާއްޖޭގެވެރިކަން ދެސިދީންނަށް ލިބުނީމައިތޯ ކޮށްލާ ސުވާލެވެ!

އާކައިވް ކުރެވިފައިވާ ނުސްޚާ